ಉಡುಪಿ: ಉಡುಪಿ ಜಿಲ್ಲೆಯಲ್ಲಿ ಪ್ರಸ್ತುತ ನಡೆಯುತ್ತಿರುವ ಮತದಾರರ ಪಟ್ಟಿ ವಿಶೇಷ ಸಮಗ್ರ ಪರಿಷ್ಕರಣೆ (SIR) 2026 ರ ಪ್ರಕ್ರಿಯೆಯು ಸಮರ್ಪಕವಾಗಿ ಸಾಗುತ್ತಿದ್ದು, ಜಿಲ್ಲೆಯಾದ್ಯಂತ ಶೇಕಡಾ 100 ರಷ್ಟು ಎನ್ಯೂಮರೇಷನ್ ನಮೂನೆಗಳನ್ನು (Enumeration Forms) ವಿತರಿಸಲಾಗಿದೆ ಎಂದು ಉಡುಪಿ ಜಿಲ್ಲಾ ಚುನಾವಣಾಧಿಕಾರಿ ಹಾಗೂ ಜಿಲ್ಲಾಧಿಕಾರಿ ಸ್ವರೂಪ ಟಿ.ಕೆ (IAS) ತಿಳಿಸಿದ್ದಾರೆ.

https://public.flourish.studio/resources/embed.js

ನಿಖರ ಮತ್ತು ದೋಷರಹಿತ ಮತದಾರರ ಪಟ್ಟಿಯನ್ನು ಸಿದ್ಧಪಡಿಸುವ ಉದ್ದೇಶದಿಂದ ಈ ಅಭಿಯಾನ ನಡೆಯುತ್ತಿದ್ದು, ನಾಗರಿಕರು ತಮಗೆ ತಲುಪಿಸಲಾಗಿರುವ ನಮೂನೆಗಳಲ್ಲಿರುವ ವಿವರಗಳನ್ನು ಪರಿಶೀಲಿಸಿ, ಮಾಹಿತಿಯನ್ನು ತಪ್ಪಿಲ್ಲದಂತೆ ಭರ್ತಿ ಮಾಡಿ ತಮ್ಮ ವ್ಯಾಪ್ತಿಯ ಬೂತ್ ಮಟ್ಟದ ಅಧಿಕಾರಿಗಳಿಗೆ (BLO) ತಕ್ಷಣವೇ ಹಿಂತಿರುಗಿಸುವಂತೆ ಕೋರಲಾಗಿದೆ. ನಮೂನೆ ಭರ್ತಿ ಮಾಡಲು ತೊಂದರೆಯಿದ್ದಲ್ಲಿ ಬಿಎಲ್‌ಒ ಫೆಸಿಲಿಟೇಶನ್ ಸೆಂಟರ್ (BFC) ಅಥವಾ ವೋಟರ್ ಫೆಸಿಲಿಟೇಶನ್ ಸೆಂಟರ್ (VFC) ಗಳನ್ನು ಸಂಪರ್ಕಿಸಬಹುದು. ಹೆಚ್ಚಿನ ಮಾಹಿತಿಗಾಗಿ ಜಿಲ್ಲಾಡಳಿತದ ಅಧಿಕೃತ ವೆಬ್‌ಸೈಟ್ udupi.nic.in ಗೆ ಭೇಟಿ ನೀಡಬಹುದಾಗಿದೆ.

ಜಿಲ್ಲೆಯಲ್ಲಿ ಡಿಜಿಟಲೀಕರಣ ಪ್ರಗತಿ (ಜುಲೈ 22, 2026 ರವರೆಗೆ):

ಜಿಲ್ಲೆಯ ಒಟ್ಟು 10,63,876 ಮತದಾರರಿಗೆ 100% ಎನ್ಯೂಮರೇಷನ್ ಫಾರ್ಮ್‌ಗಳನ್ನು ವಿತರಿಸಲಾಗಿದ್ದು, ಈ ಪೈಕಿ 8,59,350 ಫಾರ್ಮ್‌ಗಳನ್ನು ಡಿಜಿಟಲೀಕರಣಗೊಳಿಸಲಾಗಿದೆ. ಇದರೊಂದಿಗೆ ಜಿಲ್ಲೆಯಲ್ಲಿ ಒಟ್ಟಾರೆ ಶೇಕಡಾ 80.77 ರಷ್ಟು ಡಿಜಿಟಲೀಕರಣ ಪೂರ್ಣಗೊಂಡಂತಾಗಿದೆ.

ಕ್ಷೇತ್ರವಾರು ಡಿಜಿಟಲೀಕರಣ ವಿವರ:

ಬೈಂದೂರು: 2,41,863 ಒಟ್ಟು ಮತದಾರರ ಪೈಕಿ 2,02,883 ಫಾರ್ಮ್‌ಗಳು ಡಿಜಿಟೈಸ್ ಆಗಿದ್ದು, ಶೇ. 83.88 ಪ್ರಗತಿ ಸಾಧಿಸಲಾಗಿದೆ.
ಕುಂದಾಪುರ: 2,12,473 ಒಟ್ಟು ಮತದಾರರ ಪೈಕಿ 1,82,873 ಫಾರ್ಮ್‌ಗಳು ಡಿಜಿಟೈಸ್ ಆಗಿದ್ದು, ಶೇ. 86.07 ಪ್ರಗತಿ ಸಾಧಿಸಲಾಗಿದೆ.
ಉಡುಪಿ: 2,21,680 ಒಟ್ಟು ಮತದಾರರ ಪೈಕಿ 1,48,018 ಫಾರ್ಮ್‌ಗಳು ಡಿಜಿಟೈಸ್ ಆಗಿದ್ದು, ಶೇ. 66.77 ಪ್ರಗತಿ ಸಾಧಿಸಲಾಗಿದೆ.
ಕಾಪು: 1,94,718 ಒಟ್ಟು ಮತದಾರರ ಪೈಕಿ 1,53,342 ಫಾರ್ಮ್‌ಗಳು ಡಿಜಿಟೈಸ್ ಆಗಿದ್ದು, ಶೇ. 78.75 ಪ್ರಗತಿ ಸಾಧಿಸಲಾಗಿದೆ.
ಕಾರ್ಕಳ: 1,93,142 ಒಟ್ಟು ಮತದಾರರ ಪೈಕಿ 1,72,234 ಫಾರ್ಮ್‌ಗಳು ಡಿಜಿಟೈಸ್ ಆಗಿದ್ದು, ಶೇ. 89.17 ಪ್ರಗತಿ ಸಾಧಿಸಲಾಗಿದೆ.

ಇದಲ್ಲದೆ, ಜಿಲ್ಲೆಯಲ್ಲಿ ಒಟ್ಟು 19,424 ಯುಇಎಫ್ (ಸಂಗ್ರಹಿಸಲಾಗದ ಎಣಿಕೆ ನಮೂನೆಗಳು – ಸಾವು, ಸ್ಥಳಾಂತರ, ಗೈರು ಇತ್ಯಾದಿ) ಪ್ರಕರಣಗಳನ್ನು ಗುರುತಿಸಲಾಗಿದೆ.

66 ಮತಗಟ್ಟೆಗಳಲ್ಲಿ ಶೇ.100 ಡಿಜಿಟಲೀಕರಣ ಪೂರ್ಣ:

ಜಿಲ್ಲೆಯ ಒಟ್ಟು 66 ಮತಗಟ್ಟೆಗಳಲ್ಲಿ 100% ಡಿಜಿಟಲೀಕರಣದೊಂದಿಗೆ ASDD (ಗೈರು, ಸ್ಥಳಾಂತರ, ಸಾವು, ತೆಗೆದುಹಾಕಿದ), DSE ಹಾಗೂ PSE ಪ್ರಕ್ರಿಯೆ ಸಂಪೂರ್ಣಗೊಂಡಿದೆ. ಇದರಲ್ಲಿ ಬೈಂದೂರಿನ 23, ಕುಂದಾಪುರದ 15, ಕಾರ್ಕಳದ 16, ಕಾಪುವಿನ 7 ಹಾಗೂ ಉಡುಪಿಯ 5 ಮತಗಟ್ಟೆಗಳು ಸೇರಿವೆ. ಈ ಮತಗಟ್ಟೆಗಳ ಪಟ್ಟಿಯಲ್ಲಿ ಯಾವುದೇ ಹೊಸ ಸೇರ್ಪಡೆ ಅಥವಾ ಬದಲಾವಣೆಗಳಿದ್ದಲ್ಲಿ ತಕ್ಷಣವೇ ಬಿಎಲ್‌ಒ ಅಥವಾ ಇಆರ್‌ಒ ಗಮನಕ್ಕೆ ತರಲು ಸೂಚಿಸಲಾಗಿದೆ.

ಮನೆಮನೆಗೆ ತೆರಳಿ ಮಾಹಿತಿ ಸಂಗ್ರಹಿಸುವ (Enumeration Phase) ಪ್ರಕ್ರಿಯೆಯು ಆಗಸ್ಟ್ 08, 2026 ರವರೆಗೆ ನಡೆಯಲಿದ್ದು, ಇದುವರೆಗೆ ನಮೂನೆಗಳನ್ನು ಸಲ್ಲಿಸದ ನಾಗರಿಕರು ಕೂಡಲೇ ಭರ್ತಿ ಮಾಡಿ ತಮ್ಮ ಬಿಎಲ್‌ಒಗಳಿಗೆ ನೀಡುವಂತೆ ಜಿಲ್ಲಾಧಿಕಾರಿಗಳು ಪತ್ರಿಕಾ ಪ್ರಕಟಣೆಯಲ್ಲಿ ಮನವಿ ಮಾಡಿದ್ದಾರೆ.

Assembly Name	Elector	EFs Distributed	EFs Digitized	UEF Death	UEF Permanent Shifting	UEF Already Enrolled	UEF Absent	UEF Others	UEF
Baindur	241863	241863	202883	2727	2184	1132	208	26	6277
Kundapur	212473	212473	182873	1518	2160	267	76	13	4034
Udupi	221680	221680	148018	1380	799	294	32	7	2512
Kaup	194718	194718	153342	1553	931	351	28	2	2865
Karkala	193142	193142	172234	1912	929	798	65	32	3736

ಗಂಗೊಳ್ಳಿನ್ಯೂಸ್

ಉಡುಪಿ: SIR 2026: ಶೇ.80.77 ಡಿಜಿಟಲೀಕರಣ ಪೂರ್ಣ