ಬೈಂದೂರು, ಆಗಸ್ಟ್ 23, 2025: ಬೈಂದೂರು ತಾಲೂಕಿನ ಬಾಡ ಗ್ರಾಮದ ಕಂಚಿಕಾ ದುರ್ಗಾಪರಮೇಶ್ವರಿ ದೇವಸ್ಥಾನದಲ್ಲಿ ಚಿನ್ನ ಮತ್ತು ಬೆಳ್ಳಿಯ ಒಡವೆಗಳ ಕಳ್ಳತನ ಪ್ರಕರಣ ನಡೆದಿದೆ. ದೇವಸ್ಥಾನದ ಅರ್ಚಕ ಸುಬ್ರಮಣ್ಯ ಭಟ್ ದೂರು ದಾಖಲಿಸಿದ್ದಾರೆ.

ಆಗಸ್ಟ್ 22, 2025ರ ಬೆಳಗ್ಗೆ 9:00 ಗಂಟೆಗೆ ಸುಬ್ರಮಣ್ಯ ಭಟ್ ದೇವಸ್ಥಾನದ ಪೂಜೆಯನ್ನು ಮುಗಿಸಿ, ಪಕ್ಕದ ನಾಗರಬನಕ್ಕೆ ಪೂಜೆಗೆ ತೆರಳುವಾಗ ಮುಖ್ಯ ಬಾಗಿಲನ್ನು ಚಾಚಿಕೊಂಡು ಹೋಗಿದ್ದರು. ಬೆಳಗ್ಗೆ 10:45ಕ್ಕೆ ವಾಪಸ್ ಬಂದಾಗ ಬಾಗಿಲು ತೆರೆದಿರುವುದನ್ನು ಕಂಡಿದ್ದಾರೆ. ಗರ್ಭಗುಡಿಯಲ್ಲಿ ಪರಿಶೀಲಿಸಿದಾಗ, ದೇವಿಯ ಮೂಗಿನಲ್ಲಿದ್ದ 2 ಗ್ರಾಂ ಚಿನ್ನದ ಮೂಗುತಿ ಮತ್ತು ಕುತ್ತಿಗೆಯಲ್ಲಿದ್ದ ಬೆಳ್ಳಿಯ ಕರಿಮಣಿ ಸರಕ್ಕೆ ಅಳವಡಿಸಿದ 1 ಗ್ರಾಂ ಗುಬ್ಬಿಯಚಿನ್ನದ ತಾಳಿ ಕಳವಾಗಿರುವುದು ಗೊತ್ತಾಗಿದೆ. ಕಳವಾದ ಒಡವೆಗಳ ಅಂದಾಜು ಮೌಲ್ಯ 30,000 ರೂಪಾಯಿಗಳು.

ಈ ಘಟನೆಯ ಬಗ್ಗೆ ಬೈಂದೂರು ಪೊಲೀಸ್ ಠಾಣೆಯಲ್ಲಿ ಅಪರಾಧ ಕ್ರಮಾಂಕ 154/2025, ಕಲಂ 331(3) ಮತ್ತು 305 BNS 2023ರಡಿ (ದೇವಾಲಯದಲ್ಲಿ ಕಳ್ಳತನ) ಪ್ರಕರಣ ದಾಖಲಾಗಿದೆ. ಪೊಲೀಸರು ತನಿಖೆ ಆರಂಭಿಸಿದ್ದಾರೆ.