ಮಣಿಪಾಲ, ಆಗಸ್ಟ್ 20, 2025: ಮಣಿಪಾಲದ ಶಿವಳ್ಳಿ ಗ್ರಾಮದ ಅನಂತ ನಗರದ ಕೆನರಾ ಬ್ಯಾಂಕ್ ಇನ್‌ಸ್ಟಿಟ್ಯೂಟ್ ಆಫ್ ಬ್ಯಾಂಕ್ ಮ್ಯಾನೇಜ್‌ಮೆಂಟ್‌ನಲ್ಲಿ ತರಬೇತಿಗೆ ಬಂದಿದ್ದ ಮೂವರು ಮಹಿಳೆಯರನ್ನು ಸರಪಳಿಯಿಲ್ಲದ ನಾಯಿಯೊಂದು ಕಚ್ಚಿ ಗಾಯಗೊಳಿಸಿದ ಘಟನೆ ಆಗಸ್ಟ್ 20, 2025ರಂದು ರಾತ್ರಿ 9:15 ರಿಂದ 9:30 ಗಂಟೆಯ ನಡುವೆ ನಡೆದಿದೆ.

ಕೆನರಾ ಬ್ಯಾಂಕ್ ಇನ್‌ಸ್ಟಿಟ್ಯೂಟ್‌ನ ಜನರಲ್ ಮ್ಯಾನೇಜರ್ ಶ್ರೀನಾಥ್ ಜೋಷಿ (58) ದೂರು ದಾಖಲಿಸಿದ್ದಾರೆ. ತರಬೇತಿಗೆ ಬಂದಿದ್ದ ರೇವತಿ ಪಿ., ಜಯಾ ಪಾಂಡೆ, ಕವಿತಾ, ಮತ್ತು ದೀಪಿಕಾ ರವರು ರಾತ್ರಿ ಊಟದ ಬಳಿಕ ಸಿಂಡಿಕೇಟ್ ಬ್ಯಾಂಕ್ ಜಂಕ್ಷನ್‌ನಿಂದ ಇನ್‌ಸ್ಟಿಟ್ಯೂಟ್‌ಗೆ ನಡೆದುಕೊಂಡು ಬರುತ್ತಿದ್ದಾಗ, ಅನಂತ ನಗರದ ಗೋಪಾಲ ಶೆಟ್ಟಿಯ ಮನೆಯ ಗೇಟ್ ಬಳಿ ಸರಪಳಿಯಿಲ್ಲದ ನಾಯಿಯೊಂದು ರೇವತಿ ಪಿ. ಮತ್ತು ಜಯಾ ಪಾಂಡೆಯವರನ್ನು ಕಚ್ಚಿ ಗಾಯಗೊಳಿಸಿದೆ. ಕವಿತಾ ರವರು ನಾಯಿಯಿಂದ ತಪ್ಪಿಸಿಕೊಳ್ಳುವ ಸಂದರ್ಭದಲ್ಲಿ ಬಿದ್ದು ಗಾಯಗೊಂಡಿದ್ದಾರೆ.

ಗಾಯಾಳುಗಳನ್ನು ತಕ್ಷಣ ಮಣಿಪಾಲದ ಕೆ.ಎಮ್.ಸಿ. ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗಿದೆ. ಈ ಘಟನೆಯ ಬಗ್ಗೆ ಮಣಿಪಾಲ ಪೊಲೀಸ್ ಠಾಣೆಯಲ್ಲಿ ಅಪರಾಧ ಕ್ರಮಾಂಕ 153/2025, ಕಲಂ 291 BNS 2023ರಡಿ (ನಿರ್ಲಕ್ಷ್ಯದಿಂದ ಗಾಯಗೊಳಿಸುವಿಕೆ) ಪ್ರಕರಣ ದಾಖಲಾಗಿದೆ.