ಉಡುಪಿ, ಸೆಪ್ಟೆಂಬರ್ 16, 2025: ಉಡುಪಿ ತಾಲೂಕಿನ ಮೂಡನಿಡಂಬೂರು ಗ್ರಾಮದ ಗರಡಿ ರಸ್ತೆಯ 1ನೇ ಅಡ್ಡರಸ್ತೆಯ ಜಾನ್ ಹೇವೆನ್ ಕನ್‌ಸ್ಟ್ರಕ್ಷನ್ ಸಮೀಪದ ಸಾರ್ವಜನಿಕ ಸ್ಥಳದಲ್ಲಿ ನಿಷೇಧಿತ ಮಾದಕ ವಸ್ತುಗಳಾದ MDMA ಮತ್ತು ಗಾಂಜಾ ಮಾರಾಟ ಮಾಡಲು ಹೊಂದಿರುವ ಆರೋಪಿಯನ್ನು ಉಡುಪಿ ನಗರ ಪೊಲೀಸರು ದಾಳಿ ನಡೆಸಿ ಬಂಧಿಸಿದ್ದಾರೆ. ಆರೋಪಿ ಇಕ್ಬಾಲ್ (33), ಮೂಡನಿಡಂಬೂರು ಗ್ರಾಮ ನಿವಾಸಿಯಿಂದ 43,800 ರೂಪಾಯಿ ಮೌಲ್ಯದ MDMA, ಗಾಂಜಾ, ತೂಕಯಂತ್ರ, ಮೊಬೈಲ್, ನಗದು, ಮತ್ತು KA-20-HC-0462 ನಂಬರ್‌ದ ಸ್ಕೂಟಿ ಸಹಿತ ಇತರ ಸಾಮಗ್ರಿಗಳನ್ನು ವಶಪಡಿಸಿಕೊಂಡಿದ್ದಾರೆ. ಆರೋಪಿಯನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿದ್ದು, NDPS ಆಕ್ಟ್ ಅಡಿಯಲ್ಲಿ ಪ್ರಕರಣ ದಾಖಲಾಗಿದೆ.
ಸೆಪ್ಟೆಂಬರ್ 16, 2025ರಂದು ಗುಪ್ತ ಮಾಹಿತಿಯ ಆಧಾರದ ಮೇಲೆ, ಉಡುಪಿ ಉಪವಿಭಾಗ ಪೊಲೀಸ್ ಉಪಾಧಿಕ್ಷಕ ಪ್ರಭು ಡಿ.ಟಿ. ಮತ್ತು ಉಡುಪಿ ನಗರ ಠಾಣೆಯ ಪೊಲೀಸ್ ನಿರೀಕ್ಷಕ ಮಂಜುನಾಥ್ ವಿ. ಬಡಿಗೇರ್ ನೇತೃತ್ವದಲ್ಲಿ ಉಪನಿರೀಕ್ಷಕರಾದ ಭರತೇಶ್ ಕಂಕನವಾಡಿ, ಗೋಪಾಲ ಕೃಷ್ಣ ಜೋಗಿ, ಸಿಬ್ಬಂದಿಯಾದ ಸುರೇಂದ್ರ ಡಿ., ಹರೀಶ್ ನಾಯ್ಕ, ಶಿವ ಕುಮಾರ್ ಒಳಗೊಂಡ ತಂಡವು ಧಾಳಿ ನಡೆಸಿತು. ವಿಚಾರಣೆಯಲ್ಲಿ ಆರೋಪಿ ಗಾಂಜಾ ಮತ್ತು MDMAಯನ್ನು ಸ್ಕೂಟಿಯಲ್ಲಿ ಇಟ್ಟುಕೊಂಡು ಉಡುಪಿ-ಮಣಿಪಾಲ್ ಪ್ರದೇಶಗಳಲ್ಲಿ ಮಾರಾಟ ಮಾಡುತ್ತಿರುವುದಾಗಿ ತಿಳಿಸಿದ್ದಾರೆ.
ಸ್ಕೂಟಿ ಶೋಧನೆಯಲ್ಲಿ ಪತ್ತೆಯಾದ ಸಾಮಗ್ರಿ:
- ಪ್ಲಾಸ್ಟಿಕ್ ಕವರ್ ಸಮೇತ 205 ಗ್ರಾಂ ಗಾಂಜಾ (ಮೌಲ್ಯ: 12,600 ರೂ.)
- ಜಿಪ್ ಲಾಕ್ ಪ್ಲಾಸ್ಟಿಕ್ ಕವರ್ ಸಮೇತ 0.49 ಗ್ರಾಂ MDMA (ಮೌಲ್ಯ: 1,000 ರೂ.)
- ಜಿಪ್ ಲಾಕ್ ಪ್ಲಾಸ್ಟಿಕ್ ಕವರ್ ಸಮೇತ 0.49 ಗ್ರಾಂ MDMA (ಮೌಲ್ಯ: 1,000 ರೂ.)
- ಜಿಪ್ ಲಾಕ್ ಪ್ಲಾಸ್ಟಿಕ್ ಕವರ್ ಸಮೇತ 0.33 ಗ್ರಾಂ MDMA (ಮೌಲ್ಯ: 500 ರೂ.)
- ATOM ಕಂಪನಿಯ ಸಿಲ್ವರ್ ಬಣ್ಣದ ವೇಯಿಂಗ್ ಮಷಿನ್ (ಮೌಲ್ಯ: 200 ರೂ.)
- ಕಪ್ಪು ಬಣ್ಣದ ಬಾಕ್ಸ್ (ಮೌಲ್ಯ: 200 ರೂ.)
- ಜಿಪ್-ಲಾಕ್ ಹೊಂದಿರುವ 52 ಪ್ಲಾಸ್ಟಿಕ್ ಕವರ್‌ಗಳು (ಮೌಲ್ಯ: 10 ರೂ.)
- ಎಲೆಕ್ಟ್ರಾನಿಕ್ ವೇಪ್ ಮತ್ತು 3 ಪ್ಲಾಸ್ಟಿಕ್ ಫಿಲ್ಟರ್‌ಗಳು (ಮೌಲ್ಯ: 10 ರೂ.)
- ಕಪ್ಪು ಬಣ್ಣದ ಒಪ್ಪೊ ಕಂಪನಿಯ ಮೊಬೈಲ್ ಫೋನ್ (ಮೌಲ್ಯ: 8,000 ರೂ.)
- ಕಂದು ಬಣ್ಣದ ಪರ್ಸ್‌ನಲ್ಲಿ ನಗದು 4,760 ರೂ.
- ಕಂದು ಬಣ್ಣದ ಪರ್ಸ್
- ವೇಯಿಂಗ್ ಮೆಷಿನ್ (ಮೌಲ್ಯ: 600 ರೂ.)
- ಹ್ಯಾಂಡ್ ಬ್ಯಾಗ್
- ಹಳದಿ ಬಣ್ಣದ ಕೈಚೀಲ
- KA-20-HC-0462 ನಂಬರ್‌ದ ಟಿವಿಎಸ್ ಜುಪಿಟರ್ ಸ್ಕೂಟಿ
ಒಟ್ಟು ಮೌಲ್ಯ 43,800 ರೂಪಾಯಿಗಳ ಸಾಮಗ್ರಿಯನ್ನು ವಶಪಡಿಸಿಕೊಂಡಿದ್ದಾರೆ. ಉಡುಪಿ ನಗರ ಪೊಲೀಸ್ ಠಾಣೆಯಲ್ಲಿ ಅಪರಾಧ ಕ್ರಮಾಂಕ 172/2025ರಡಿಯಲ್ಲಿ NDPS ಆಕ್ಟ್ 1985ರ ಕಲಂ 8(c), 20(b)(ii)(A) ಅಡಿಯಲ್ಲಿ ಪ್ರಕರಣ ದಾಖಲಾಗಿದ್ದು, ಆರೋಪಿಯನ್ನು ಮಾನ್ಯ ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿದೆ.
