ಉಡುಪಿ, ಸೆಪ್ಟೆಂಬರ್ 04, 2025: ಉಡುಪಿಯ ಹೆನ್ರಿ ಡಿ. ಅಲ್ಮೇಡಾ (69) ಅವರು ಫೇಸ್‌ಬುಕ್‌ನಲ್ಲಿ ಕಂಡ ಇನ್ವೆಸ್ಟ್‌ಮೆಂಟ್ ಟ್ರೇಡಿಂಗ್ ಜಾಹಿರಾತಿನಿಂದ ₹1,32,90,000 ಕಳೆದುಕೊಂಡಿದ್ದಾರೆ. ಜುಲೈ 19, 2025ರಂದು ಜಾಹಿರಾತನ್ನು ಕ್ಲಿಕ್ ಮಾಡಿದಾಗ in.*******-***.*om ವೆಬ್‌ಸೈಟ್ ತೆರೆದಿತು. ನಂತರ, ಅವರ ವಾಟ್ಸ್‌ಆಪ್‌ಗೆ ಟ್ರೇಡಿಂಗ್‌ನಲ್ಲಿ ಹೂಡಿಕೆ ಮಾಡಲು ಸಂದೇಶ ಬಂದಿತು.
ಅಂಕಿತ ಘೋಷ್ ಎಂದು ಪರಿಚಯಿಸಿಕೊಂಡ ವ್ಯಕ್ತಿ, ಹೆನ್ರಿಗೆ ಇನ್ವೆಸ್ಟ್‌ಮೆಂಟ್ ಬಗ್ಗೆ ಮಾಹಿತಿ ನೀಡಿ, QIB ಖಾತೆ ತೆರೆಯಿಸಿ, 725 B*B C**S ವಾಟ್ಸ್‌ಆಪ್ ಗ್ರೂಪ್‌ಗೆ ಸೇರಿಸಿದ. ಗ್ರೂಪ್‌ನಲ್ಲಿ ಲಾಭ ಗಳಿಸಬಹುದು ಎಂದು ಸಂದೇಶಗಳಿದ್ದವು. ಇದನ್ನು ನಂಬಿದ ಹೆನ್ರಿ, ಕಸ್ಟಮರ್ ಕೇರ್ ಸಂಪರ್ಕಿಸಿ, ಆರೋಪಿಗಳು ನೀಡಿದ ವಿವಿಧ ಬ್ಯಾಂಕ್ ಖಾತೆಗಳಿಗೆ ಜುಲೈ 22 ರಿಂದ ಸೆಪ್ಟೆಂಬರ್ 1, 2025ರವರೆಗೆ ₹1.32 ಕೋಟಿ ಹೂಡಿಕೆ ಮಾಡಿದರು. ಆದರೆ, ಹಣವನ್ನಾಗಲೀ, ಲಾಭವನ್ನಾಗಲೀ ಹಿಂದಿರುಗಿಸದೇ ಆರೋಪಿಗಳು ವಂಚಿಸಿದ್ದಾರೆ.
ಈ ಬಗ್ಗೆ ಹೆನ್ರಿ ನೀಡಿದ ದೂರಿನ ಮೇರೆಗೆ, ಸೀನ್ ಅಪರಾಧ ಪೊಲೀಸ್ ಠಾಣೆಯಲ್ಲಿ ಅಪರಾಧ ಕ್ರಮಾಂಕ 46/2025ರಡಿ ಕಲಂ 66(ಸಿ), 66(ಡಿ) ಐಟಿ ಆಕ್ಟ್ ಮತ್ತು 318(4) ಬಿಎನ್‌ಎಸ್ ರಂತೆ ಕೇಸ್ ದಾಖಲಾಗಿದೆ.
- ವಂಚನೆಯಿಂದ ಸುರಕ್ಷಿತವಾಗಿರುವುದು ಹೇಗೆ: ಇಲ್ಲಿ ಓದಿ
